Shikast-e-tauba

saqi ki har nigah pe bal kha ke pi gaya

lahron se khelta hua lahra ke pi gaya

be-kaifiyon ke kaif se ghabra ke pi gaya

tauba ko toD-taD ke tharra ke pi gaya

zahid! ye teri shoKHi-e-rindana dekhna

rahmat ko baaton baaton mein bahla ke pi gaya

sar-masti-e-azal mujhe jab yaad aa gai

duniya-e-e'tibar ko Thukra ke pi gaya

aazurdagi-e-KHatir-e-saqi ko dekh kar

mujh ko ye sharm aai ki sharma ke pi gaya

ai rahmat-e-tamam meri har KHata muaf

main intiha-e-shauq mein ghabra ke pi gaya

pita baghair izn ye kab thi meri majal

dar-parda chashm-e-yar ki shah pa ke pi gaya

us jaan-e-mai-kada ki qasam barha 'jigar'

kul aalam-e-basit pe main chha ke pi gaya

(1411) Peoples Rate This

Your Thoughts and Comments

Shikast-e-tauba In English By Famous Poet Jigar Moradabadi. Shikast-e-tauba is written by Jigar Moradabadi. Read famous Poem Shikast-e-tauba for youth and Student by Jigar Moradabadi. Free Download Shikast-e-tauba in PDF.