Ai Lahore

tere daraKHton ki Tahniyon par bahaar utre

teri guzargahen nek rahon ki manzilen hon

mera zamana nae nae mausamon ki KHushbu

tere shab-o-roz ki mahak ho

zamin par jab bhi raat phaile

kiran jo zulmat ko raushni de teri kiran ho

parinde uDte hue parinde

hazar samton se tere baghon mein chahchahaen

wo raat jis ki sahar nahin hai

wo tere shahron se tere qasbon se dur guzre

wo hath jo azmaton ke hijje miTa raha hai

wo hath lauh-o-qalam ke shajre se TuT jae

kalas pe lafzon ke phul barsen

teri fasilon ke burj duniya mein jagmagaen

akele-pan ki saza mein din kaTte hazaron

teri ziyarat-gahon ki baKHshish se taza-dam hon

tere muqaddar ki baadshahat zamin pe nikhre

nae zamane ki ibtida tere nam se ho

KHushi ke chehre pe wasl ka abr tair jae

tamam duniya mein tazkire tere phail jaen

(759) Peoples Rate This

Your Thoughts and Comments

Ai Lahore In English By Famous Poet Jilani Kamran. Ai Lahore is written by Jilani Kamran. Read famous Poem Ai Lahore for youth and Student by Jilani Kamran. Free Download Ai Lahore in PDF.