Dil Pe Jo Guzri Koi Kya Jaane

dil pe jo guzri koi kya jaane

ye to hum jaanen ya KHuda jaane

KHak jhelega wo musibat-e-ishq

jo laga kar na phir bujha jaane

tu hi apna maqam jaanta hai

ek zulum-o-juhul kya jaane

kya kare arz-e-muddaa wo bashar

ibtida ko jo intiha jaane

baada-noshon ka hashr kya hoga

mujh bala-nosh ki bala jaane

baat rindi ki mujh ko aati hai

parsai ki parsa jaane

tujh ko apni KHabar nahin ai 'josh'

to KHudai ke raaz kya jaane

(955) Peoples Rate This

Your Thoughts and Comments

Dil Pe Jo Guzri Koi Kya Jaane In English By Famous Poet Josh Malsiani. Dil Pe Jo Guzri Koi Kya Jaane is written by Josh Malsiani. Read famous Poem Dil Pe Jo Guzri Koi Kya Jaane for youth and Student by Josh Malsiani. Free Download Dil Pe Jo Guzri Koi Kya Jaane in PDF.