Ai Zulf Uske Munh Se Tu To LipaT Rahi Hai

ai zulf us ke munh se tu to lipaT rahi hai

gesu ko kaTiyo mat wo aap kaT rahi hai

ho kis tarah mayassar us bahr husn ki sair

abru ki ek kashti so bhi ulaT rahi hai

dil dene ki haqiqat hum KHub jaante hain

hai gham kisi ka us ko jo zulf laT rahi hai

mahrum hum hi hain is mehman-sara mein warna

kis kis tarah ki neamat KHilqat ko baT rahi hai

KHali nahin KHalal se 'joshish' ye KHaibar-e-dil

din raat mauj gham ki is se chimaT rahi hai

(393) Peoples Rate This

Your Thoughts and Comments

Ai Zulf Uske Munh Se Tu To LipaT Rahi Hai In English By Famous Poet Joshish Azimabadi. Ai Zulf Uske Munh Se Tu To LipaT Rahi Hai is written by Joshish Azimabadi. Read famous Poem Ai Zulf Uske Munh Se Tu To LipaT Rahi Hai for youth and Student by Joshish Azimabadi. Free Download Ai Zulf Uske Munh Se Tu To LipaT Rahi Hai in PDF.