KHush-numa Garche Mad Ka Haala Hai

KHush-numa garche mad ka haala hai

tere kanon ka baala baala hai

dar-e-mai-KHana ka gada hun main

be-piyala mera piyala hai

dil-e-sad-para ye baghal mein na ho

dard dukh ka mere risala hai

us nigah us mizha ki kuchh mat puchh

ek barchhi hai ek bhaala hai

hai dam o hosh apna be-hoshi

hosh jab se yahan sambhaala hai

kaise wada-KHilaf se 'joshish'

haq-taala ne kaam Dala hai

mujh ko hai intizar o betabi

us ko hila hai aur hawala hai

(469) Peoples Rate This

Your Thoughts and Comments

KHush-numa Garche Mad Ka Haala Hai In English By Famous Poet Joshish Azimabadi. KHush-numa Garche Mad Ka Haala Hai is written by Joshish Azimabadi. Read famous Poem KHush-numa Garche Mad Ka Haala Hai for youth and Student by Joshish Azimabadi. Free Download KHush-numa Garche Mad Ka Haala Hai in PDF.