Mere Jab Tak Ki Dam Mein Dam Rahega
mere jab tak ki dam mein dam rahega
yahi rona yahi matam rahega
kahan tak ye ghurur-e-husn zalim
hamesha kya yahi aalam rahega
yahi sozish hai daghon ki to kyun-kar
salamat pamba-e-marham rahega
juda jab tak hun ai be-dard tujh se
yahi dard aur dil baham rahega
agar yunhi rahegi hairat-e-ishq
agar ye dida-e-nam nam rahega
ba-rang-e-shabnam aa kar qatra-e-ishq
hamari har mizha par jam rahega
Joshish Azimabadi 
(1364) Peoples Rate This