Nahin Motaqid Jo Tere Did Ka
nahin mo'taqid jo tere did ka
main diwana hun us ki fahmid ka
talluq kisi se nahin ghair-e-haq
ye aalam hua apni tajrid ka
KHayal-e-do-alam hua dil se dur
yahan waqr kiya jam-e-jamshed ka
ham-aghosh wo mujh se ho ya na ho
diwana hun main did wa did ka
yahan na-muradi hai ain-e-murad
na ho barwar naKHl ummid ka
ye kuche mein laila ke majnun na ho
iram mein hai goya shajar bed ka
tera sher 'joshish' tujhe hai pasand
tu muhtaj hai kis ki taid ka
Joshish Azimabadi 
(943) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544