Naubat Apni To Jaan Tak Pahunchi
naubat apni to jaan tak pahunchi
haif us ke na kan tak pahunchi
dil ke TukDe hain ye sitare na hon
aah lai aasman tak pahunchi
hai wo aazurda baat shikwe ki
kya kisi mehrban tak pahunchi
muft farsuda hui ye peshani
na tere aastan tak pahunchi
dushmani mujh se teri tegh ne ki
dosti imtihan tak pahunchi
aatish-e-ishq ne jo sar khincha
husn ke dudman tak pahunchi
bar-e-gham jab kisi se uTh na saka
naubat is na-tawan tak pahunchi
tere maqtul ka hai kaam tamam
karwan ustuKHwan tak pahunchi
aatish-e-gul se jalti misl-e-sharar
andalib aashiyan tak pahunchi
koi sar-gashta yaad aa hi gaya
tegh us ki jo san tak pahunchi
dekhte us ko mahw the 'joshish'
kab shikayat zaban tak pahunchi
Joshish Azimabadi 
(924) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544