Tir Nazron Ke Hum Pe Chalate Raho
tir nazron ke hum pe chalate raho
jhuTi ulfat sahi par jatate raho
is tarah pyar mujh se nibhate raho
dil mein KHushbu ke jaise basate raho
main KHafa hun kabhi tum KHafa ho kabhi
pyar ka silsila yun baDhate raho
main ne to likh diya nam dil pe tere
gar miTana ho mumkin miTate raho
aa na jae guman mujh mein jhuTha koi
tum haqiqat ka darpan dikhate raho
pattharon ko na ehsas hoga kabhi
raat din ashk chahe bahate raho
Jyoti Azad Khatri 
(752) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544