Aashna Gham Se Mila Rahat Se Begana Mila

aashna gham se mila rahat se begana mila

dil bhi hum ko KHubi-e-qismat se diwana mila

bulbul-o-gul sham-o-parwana ko hum par rashk hai

dard jo hum ko mila sab se juda-gana mila

hum ne saqi ko bhi dekha pir-e-mai-KHana ko bhi

koi bhi in mein na raaz-agah-e-mai-KHana mila

sab ne daman chaak rakkha hai ba-qadr-e-ehtiyaj

hum ko diwanon mein bhi koi na diwana mila

hum to KHair aashufta-saman hain hamara kya sawal

wo to sanwaren jin ko aaina mila shana mila

kya qayamat hai ki ai 'ajiz' hamein is daur mein

taba shahana mili mansab faqirana mila

(806) Peoples Rate This

Your Thoughts and Comments

Aashna Gham Se Mila Rahat Se Begana Mila In English By Famous Poet Kaleem Aajiz. Aashna Gham Se Mila Rahat Se Begana Mila is written by Kaleem Aajiz. Read famous Poem Aashna Gham Se Mila Rahat Se Begana Mila for youth and Student by Kaleem Aajiz. Free Download Aashna Gham Se Mila Rahat Se Begana Mila in PDF.