Tarikiyon Mein Hum Jo Giraftar Ho Gae
tarikiyon mein hum jo giraftar ho gae
shayad sahar se pahle hi bedar ho gae
ye kaun sa maqam-e-rah-o-rasm hai ki wo
itne hue qarib ki bezar ho gae
manzil ki samt tujh ko na le jaenge kabhi
wo raste jo aap hi hamwar ho gae
nakaamiyon ne aur bhi sarkash bana diya
itne hue zalil ki KHuddar ho gae
ab ke to nok-e-KHar bhi gul-rang ho chali
kal dekhna ki dasht bhi gulzar ho gae
'nuri' hamein jahan mein masarrat ki thi talash
aaKHir har ek shaKHs ke gham-KHwar ho gae
Karrar Noori 
(1170) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544