Hai Barham Phir Mizaj Un Ka Dil-e-nakaam Kya Hoga

hai barham phir mizaj un ka dil-e-nakaam kya hoga

yahi surat rahi to ishq ka anjam kya hoga

KHalish dil mein jigar mein dard lab par mohr-e-KHamoshi

ye surat hai to phir mujh ko bhala aaram kya hoga

ye bazm-e-naz hai ai dil yahan behtar hai KHamoshi

suna kar un ko apna qissa-e-alam kya hoga

yahi hai zohd ka aalam to phir ai hazrat-e-naseh

sharab-e-hauz-e-kausar ka chhalakta jam kya hoga

abhi se aankh mein aansu hain lab par aah dil mein dard

ye aaghaz-e-mohabbat hai to phir anjam kya hoga

KHudara ye bhi socho ai chaman ke chhoDne walo

hain jo sahn-e-chaman mein in ka ab anjam kya hoga

koi badnam ho jae to is ko bhi bahut samjho

hai ye duri KHudi is mein kisi ka nam kya hoga

abhi to shab hai aao pyar ki baaten karen hum tum

abhi se kyun ye sochen subh ka paigham kya hoga

jidhar dekho udhar zulmat nazar aati hai ai 'kashfi'

sahar ka rang hai jab ye to rang-e-sham kya hoga

(441) Peoples Rate This

Your Thoughts and Comments

Hai Barham Phir Mizaj Un Ka Dil-e-nakaam Kya Hoga In English By Famous Poet Kashfi Lucknavi. Hai Barham Phir Mizaj Un Ka Dil-e-nakaam Kya Hoga is written by Kashfi Lucknavi. Read famous Poem Hai Barham Phir Mizaj Un Ka Dil-e-nakaam Kya Hoga for youth and Student by Kashfi Lucknavi. Free Download Hai Barham Phir Mizaj Un Ka Dil-e-nakaam Kya Hoga in PDF.