Jo Teri Aankh Hai Pur-nam Yahi Mohabbat Hai
jo teri aankh hai pur-nam yahi mohabbat hai
ki tujh ko hai jo mera gham yahi mohabbat hai
hazaron mil ki duri ke bawajud ai dost
jo hum mein rabt hai paiham yahi mohabbat hai
teri judai ke mausam mein jaan-e-jaan mujh ko
jo bhuk pyas hai kam kam yahi mohabbat hai
tere baghair jo KHwabon ke shahr mein bhi dost
mera mizaj hai barham yahi mohabbat hai
visal-rut ho furqat hamare dil mein sanam
jo bekali si hai dam dam yahi mohabbat hai
mera yaqin ki yaum-e-alast mein 'kashif'
kiya gaya hamein baham yahi mohabbat hai
Kashif Rafiq 
(1039) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544