Manzar-e-chashm Jo Pur-ab Hua Jata Hai
manzar-e-chashm jo pur-ab hua jata hai
chaman-e-dil mera shadab hua jata hai
wahi qatra jo kabhi kunj-e-sar-e-chashm mein tha
ab jo phaila hai to sailab hua jata hai
ek ehsas tha jo gham se daba rahta tha
saz-e-gham ka wahi mizrab hua jata hai
us ki palkon pe jo chamka tha sitara koi
dekhte dekhte mahtab hua jata hai
wo jo shirin-dahan is shahr mein aaya hai mere
us ka bola hua shahdab hua jata hai
mujh ko malum hai girdab-e-nazar ka dhoka
jo bhi ahmaq hai wo betab hua jata hai
Kausar Mazhari 
(750) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544