MuKHtasar Si Wo Mulaqat Bahut Achchhi Thi
muKHtasar si wo mulaqat bahut achchhi thi
chand lafzon mein Dhali baat bahut achchhi thi
lamha lamha kisi ummid pe jab guzra tha
din bahut KHub tha wo raat bahut achchhi thi
be-qarari hi mein jab dil ko qarar aata tha
hae wo shiddat-e-jazbaat bahut achchhi thi
husn ke rang the har pahlu numayan jis mein
apni taswir-e-KHayalat bahut achchhi thi
aankhen bhar aai thin milte ya bichhaDte un se
donon waqton ki wo barsat bahut achchhi thi
chahna bhi unhen aur munh se na kuchh bhi kahna
dil ki KHamosh munajat bahut achchhi thi
lab pe aa jati to kuchh aur bhi achchha tha 'rishi'
aap ke dil mein jo thi baat bahut achchhi thi
Keval Krishn Rashi 
(1120) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544