Bujh Gaya Dil To KHabar Kuchh Bhi Nahin
bujh gaya dil to KHabar kuchh bhi nahin
aks-e-aine nazar kuchh bhi nahin
shab ki diwar giri to dekha
nok-e-nashtar hai sahar kuchh bhi nahin
jab bhi ehsas ka suraj Dube
KHak ka Dher bashar kuchh bhi nahin
ek pal aisa ki duniya badle
yun to sadiyon ka safar kuchh bhi nahin
harf ko barg-e-nawa deta hun
yun mere pas hunar kuchh bhi nahin
Khaleel Tanveer 
(337) Peoples Rate This