Wo Charcha Ji Ke JhanjhaT Ka Hua Hai
wo charcha ji ke jhanjhaT ka hua hai
ki dil ka pasban khaTka hua hai
wo misra tha ki ek gul-rang chehra
abhi tak zehn mein aTka hua hai
hum un aankhon ke zaKHmae hue hain
ye hath us hath ka jhaTka hua hai
yaqini hai ab is dil ki tabahi
ye qarya rah se bhaTka hua hai
gila is ka karen kis dil se 'KHalid'
ye dil kab ek chaukhaT ka hua hai
Khalid Ahmad 
(441) Peoples Rate This