Wo Aks-e-KHwab Hai Paikar Nahin Hai
wo aks-e-KHwab hai paikar nahin hai
shuur-e-zat se bahar nahin hai
agarche aasman sar par nahin hai
zamin bhi to mera bistar nahin hai
faza masmum hoti ja rahi hai
meri KHatir mera hi ghar nahin hai
ufuq ke rang hain chehre pe us ke
shikast-e-KHwab ka manzar nahin hai
faqat main hun tere madd-e-muqabil
mere pichhe mera lashkar nahin hai
Khalid Jamal 
(551) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544