ChhoD Jaenge Qafile Wale
chhoD jaenge qafile wale
hum to hain peD raste wale
KHwab pahli azan par TuTa
hum the dariya mein kudne wale
dekh aaya hua hai aankhon mein
zahr kanon mein gholne wale
aap se apna ek talluq hai
hum nahin log waste wale
ek zamana tha id aane par
hum manate the ruThne wale
mujh ko taslim kyun nahin karte
meri taswir chumne wale
sharm se aap ki jhuki palken
warna to hum the Dubne wale
har qadam phunk phunk rakhna hai
den na den sath mashware wale
Dhil dene se bach gae mahbub
warna rishte the TuTne wale
Khalid Mahboob 
(496) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544