Aankhon Mein Dhup Dil Mein Hararat Lahu Ki Thi
aankhon mein dhup dil mein hararat lahu ki thi
aatish jawan tha to qayamat lahu ki thi
zaKHmi hua badan to watan yaad aa gaya
apni girah mein ek riwayat lahu ki thi
KHanjar chala ke mujh pe bahut gham-zada hua
bhai ke har suluk mein shiddat lahu ki thi
koh-e-giran ke samne shishe ki kya bisat
ahd-e-junun mein sari shararat lahu ki thi
ruKHsar o chashm-o-lab gul o sahba shafaq hina
duniya-e-rang-o-bu mein tijarat lahu ki thi
'KHalid' har ek gham mein barabar sharik tha
sare jahan ke bich rifaqat lahu ki thi
Khalid Mahmood 
(422) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544