Har Ek Faisla Usne Behtar Kiya
har ek faisla us ne behtar kiya
mujhe aankh di tum ko manzar kiya
dil-e-KHun-chakida munawwar kiya
to aankhon ka sahra samundar kiya
lakiron ko raushan sitare diye
sitaron ko apna muqaddar kiya
wahin Dubne ka yaqin aa gaya
jahan us ne hum ko shanawar kiya
ujala nafi hai jab us ne kaha
andhere mein the hum ne bawar kiya
Khalid Mahmood 
(359) Peoples Rate This