Wahm Yaqin
mere ghar ke har kamre mein
ek hi chehra jhank raha hai
diwaron par aks hai us ka
darwazon par lams hai us ka
har aahaT mein us ki aahaT
har lamhe maujud hai lekin
phir bhi tayaqqun soch raha hai
kaun hai mere wahm ke ghar mein
kaun andhere khol raha hai, kaun KHamoshi bol raha hai
kis ne mere dard ke dil ko
hath ka marham baKHsh diya hai
kis ne meri tanhai mein
apna chehra chhoD diya hai
KHalid Malik 'Sahil' 
(395) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544