Tujhe Kab Pukara Nahin Ja Raha
tujhe kab pukara nahin ja raha
firaq ab sahaara nahin ja raha
ajab be-kali hai pas-e-ishq bhi
ye lamha guzara nahin ja raha
tahayyur-zada ek jahan hai magar
tujhi tak ishaara nahin ja raha
sar-e-shauq manzil hai wo pesh-o-pas
thakan ko utara nahin ja raha
taghayyur ka idrak hote hue
naya rup dhaara nahin ja raha
nahin dur tak, jit ka shaiba
magar hum se haara nahin ja raha
Khalid Moin 
(357) Peoples Rate This