Anasir Ki Ghani Zanjir Hai
anasir ki ghani zanjir hai
so ye hasti ki ek tabir hai
mila wirse mein dard-e-dil mujhe
ye mere bap ki jagir hai
pighal jaega parbat sang kya
meri aahon mein wo tasir hai
kahin ranjha, kahin majnun hua
wajud-e-ishq aalamgir hai
wahi parwez ki sharten hanuz
wahi tesha hai, ju-e-shir hai
surur o gham hai kya 'KHalid'-miyan
kitab-e-zist ki tafsir hai
Khalid Mubashshir 
(387) Peoples Rate This