Is Shahr-e-tilismat Ka Dastur Ajab Hai
is shahr-e-tilismat ka dastur ajab hai
har shaKHs fasurda hai magar KHanda-ba-lab hai
jaise ghane jangal mein koi aag laga de
is shahr mein suraj ka nikalna bhi ghazab hai
be-kar hai be-mani hai aKHbar ki surKHi
likkha hai jo diwar pe wo ghaur-talab hai
kya mujh ko uThaega koi meri jagah se
patthar hun jo tamir ki buniyaad ka rab hai
jo aankh ki putli mein raha nur ki surat
wo shaKHs mere ghar ke andhere ka sabab hai
Khalid Siddiqui 
(448) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544