Kitne Din Baad Phir Aaj Un Se Mulaqat Hui
kitne din baad phir aaj un se mulaqat hui
ruk gaya waqt daraKHshanda meri raat hui
phir nigahon ne nigahon se suna qissa-e-shauq
phir ishaaron hi ishaaron mein har ek baat hui
chalte chalte unhen dekha tha sar-e-rah kahin
aarzu un ki usi din se mere sat hui
kaun kahta hai main sahra mein hun main tishna hun
KHun-e-dil roz baha roz hi barsat hui
dar-e-mai-KHana pe aasuda-e-rahat hun 'KHalish'
KHatm ab mere liye gardish-e-haalat hui
Khalish Dehlvi 
(339) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544