Jagti Aankhon Se Wabasta Diya Mange Hai
jagti aankhon se wabasta diya mange hai
waqt-e-ummid basarat ki dua mange hai
gard-alud fazaon mein bhaTakta mausam
gum-shuda lamha se KHud apna pata mange hai
aks-dar-aks haqiqat ki lakiren raushan
KHwab-dar-KHwab koi husn-e-ada mange hai
apni majruh nigahon ka safar hai jari
justuju karb-e-masafat ki dawa mange hai
munsif-e-waqt ki maghrur samaat 'KHawar'
gunge mujrim se sadaqat ki nawa mange hai
Khawar Naqeeb 
(426) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544