Wo KHud-parast Hai Aur KHud-shanas Main Bhi Nahin
wo KHud-parast hai aur KHud-shanas main bhi nahin
fareb-KHurda-wahm-o-qayas main bhi nahin
faza-e-shahr-e-talab hai ana-guzida bahut
ada-shanas rah-e-iltimas main bhi nahin
main kyun kahun ki zamana nahin hai ras mujhe
main dekhta hun zamane ko ras main bhi nahin
ye waqia ki tujhe khal rahi hai tanhai
ye hadsa ki tere aas-pas main bhi nahin
hua kare jo hai 'KHawar' faza KHilaf mere
asir-e-halqa-e-KHauf-o-hiras main bhi nahin
Khawar Rizvi 
(466) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544