Akele Hain Wo Aur Jhunjhla Rahe Hain
akele hain wo aur jhunjhla rahe hain
meri yaad se jang farma rahe hain
ye kaisi hawa-e-taraqqi chali hai
diye to diye dil bujhe ja rahe hain
ilahi mere dost hon KHairiyat se
ye kyun ghar mein patthar nahin aa rahe hain
bahisht-e-tasawwur ke jalwe hain main hun
judai salamat maze aa rahe hain
qayamat ke aane mein rindon ko shak tha
jo dekha to waiz chale aa rahe hain
bahaaron mein bhi mai se parhez tauba
'KHumar' aap kafir hue ja rahe hain
Khumar Barabankavi 
(420) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544