Is Ek Dar Mein Ki AaKHir Ko TuT Jaega
is ek Dar mein ki aaKHir ko TuT jaega
ye aaina mere hathon se chhuT jaega
main toD sakta hun pal mein sukut-e-sang-nasab
magar ye dhyan ki ek shaKHs ruTh jaega
zarur bujh ke rahega ruKH-e-safar-talabi
ye aabla hai to ek rose phuT jaega
yaqin tha ki koi saneha guzarna hai
guman na tha ki tera sath chhuT jaega
hum ek ahd-e-abad-yab ka khara sach hain
hamare sath hamara ye jhuT jaega
Khumar Pirzada 
(440) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544