Kya Lutf Masafat Mein Ki Dar Koi Nahin Hai
kya lutf masafat mein ki Dar koi nahin hai
pani ka safar aur bhanwar koi nahin hai
phir kaun hai sahil pe jo rukne nahin deta
viran jaziron mein agar koi nahin hai
ek chap utarti hai dar-e-dil pe har ek shab
dekha hai kai bar magar koi nahin hai
tum meri masafat ke liye aaKHiri had ho
ab tum se pare rahguzar koi nahin hai
har shaKHs hai jaise koi viran haweli
likkha hai ye mathon pe ki ghar koi nahin hai
hai apne muqaddar mein yahi tirgi 'KHurram'
ab raat ke daman mein sahar koi nahin hai
Khurram Khaleeq 
(412) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544