Hum Tujhse Kis Hawas Ki Falak Justuju Karen

hum tujh se kis hawas ki falak justuju karen

dil hi nahin raha hai ki kuchh aarzu karen

miT jaen ek aan mein kasrat-numaiyan

hum aaine ke samne jab aa ke hu karen

tar-damani pe shaiKH hamari na jaiyo

daman nichoD den to farishte wuzu karen

sar-ta-qadam zaban hain jun shama go ki hum

par ye kahan majal jo kuchh guftugu karen

har-chand aaina hun par itna hun na-qubul

munh pher le wo jis ke mujhe ru-ba-ru karen

ne gul ko hai sabaat na hum ko hai e'tibar

kis baat par chaman hawas-e-rang-o-bu karen

hai apni ye salah ki sab zahidan-e-shahr

ai 'dard' aa ke baiat-e-dast-e-subu karen

(641) Peoples Rate This

Your Thoughts and Comments

Hum Tujhse Kis Hawas Ki Falak Justuju Karen In English By Famous Poet Khwaja Meer Dard. Hum Tujhse Kis Hawas Ki Falak Justuju Karen is written by Khwaja Meer Dard. Read famous Poem Hum Tujhse Kis Hawas Ki Falak Justuju Karen for youth and Student by Khwaja Meer Dard. Free Download Hum Tujhse Kis Hawas Ki Falak Justuju Karen in PDF.