Tashkil
main ThanDi barf ke zarron se
phir se ban raha hun
tumhaare qurb ki hiddat se
pani ho gaya tha
magar ab phir meri tashkil hone ja rahi hai
main phir se ban raha hun
tumhaare pyar ki hiddat yaqinan ruh hai meri
magar ye mere ek ek uzw ko
pighla ke aab-o-ab kar degi
ye behtar hai ki tum se fasla ho
na koi rabta ho
ye hiddat phir se mera jism mujh se chhin legi
mere aaza ko phir ek shakl milne do
mujhe hiddat se apne lams se
thoDi dur rahne do
Khwaja Rabbani 
(409) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544