Aapka Jab Se Aana Hua

aapka jab se aana hua

KHushnuma aashiyana hua

un ki baaten ghazal ho gain

apna dil shairana hua

raat ki kya kahen raat bhar

un ka KHwabon mein aana hua

ishq kije to mat sochiye

kis gali aana jaana hua

dil ka panchhi wahin jaega

jis jagah aab-o-dana hua

jis ke bin ek pal bojh tha

us ko dekhe zamana hua

qad se saya baDa ho gaya

sham ka jiyun jiyun aana hua

chain ek pal nahin hai 'ratan'

jab se dil ka lagana hua