Sambhal Hi Lenge Musalsal Tabah Hon To Sahi
sambhal hi lenge musalsal tabah hon to sahi
azab-e-zist mein rashk-e-gunah hon to sahi
kahin to sahil-e-na-yaft ka nishan hoga
jala ke KHud ko taqaza-e-ah hon to sahi
majal kya ki na manzil bane nishan-e-wafa
safir-e-KHud-nigran gard-e-rah hon to sahi
sada-ba-dasht banegi na ye lahu ki tapish
lahu ke chhinTe magar gah gah hon to sahi
Kishwar Naheed 
(327) Peoples Rate This