KaDe Kos
harf
goyai ki zanjir mein jab qaid hua
ism bana
ahd bana
nazm bana
qissa-e-kaam-o-dahan ka gham-e-matlub bana
KHub-o-na-KHub bana
harf-e-na-gufta
magar zehn ka aazar bana
dil ki diwar bana
rah-e-dushwar bana
qissa-e-shauq ki warafta kahani na bana
hila-e-wasl ki gham-dida nishani na bana
war hai manzil-e-goyai
sabhi jaante hain
harf-e-na-gufta ke ye zaKHm magar mere hain
jin ko tanhai meri
mujh se siwa jaanti hai
Kishwar Naheed 
(422) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544