KHalwat Mein KHayalon Ki Ye Anjuman-arai
KHalwat mein KHayalon ki ye anjuman-arai
aabaad hai ab kitna virana-e-tanhai
aise bhi marahil kuchh aae rah-e-hasti mein
mahsus hua manzil KHud pas chali aai
tu sham-e-masarrat hai gham-KHana-e-imkan mein
dam se tere qaem hai har bazm ki ranai
hai yaad teri kya kya mail-ba-karam mujh par
guzre hue lamhon ko jo sath liye aai
pighle hue sone se ubhrin kai taswiren
dariya ke kinaron par jab dhup utar aai
is gulshan-e-hasti ka har rang nirala hai
jab rone lagi shabnam phulon ko hansi aai
Krishn Murari 
(445) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544