Lafzon Mein Asar Kahan Se Aaya
lafzon mein asar kahan se aaya
raste mein ye ghar kahan se aaya
main hijr mein muskura raha hun
mujh mein ye hunar kahan se aaya
ek aag si ab lagi hui hai
pani mein asar kahan se aaya
nezon pe saron ko dekhta hun
diwar mein dar kahan se aaya
lau dene lage hain KHak-dan bhi
miTTi mein asar kahan se aaya
ab main kya bataun mujh mein ai 'tur'
jine ka hunar kahan se aaya
Krishna Kumar Toor 
(387) Peoples Rate This