Log Jab Jashn Bahaaron Ka Manane Nikle
log jab jashn bahaaron ka manane nikle
hum bayabanon mein tab KHak uDane nikle
khul gaya daftar-e-sad-rang mulaqaton ka
husn ke zikr pe kya kya na fasane nikle
ishq ka rog ki donon se chhupaya na gaya
hum the saudai to kuchh wo bhi diwane nikle
jab khile phul chaman mein to teri yaad aai
chand aansu bhi masarrat ke bahane nikle
shahr wale sabhi be-chehra hue hain 'pashi'
hum ye kin logon ko aaina dikhane nikle
Kumar Pashi 
(393) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544