Raat Aur Din Ka Fasla Hun Main
raat aur din ka fasla hun main
KHud se kab se nahin mila hun main
KHud bhi shamil nahin safar mein par
log kahte hain qafila hun main
ai mohabbat teri adalat mein
ek shikwa hun ek gila hun main
milte rahiye ki milte rahne se
milte rahne ka silsila hun main
phul hun zindagi ke gulshan ka
maut ki Dal par khila hun main
Kumar Vishwas 
(656) Peoples Rate This