Ab Motaqid-e-gardish-e-dauran Na Rahe Hum

ab mo'taqid-e-gardish-e-dauran na rahe hum

qabil tere ai dida-e-jaanan na rahe hum

kab mil ke unhen dil ki tamannaen bar aain

kab un se juda ho ke pareshan na rahe hum

ye baat digar hai ki na the ru-ba-ru un ke

kab did ka dil mein liye arman na rahe hum

qismat to zara dekho kab aai hain bahaaren

jab qabil-e-gul-gasht-e-gulistan na rahe hum

saqi ki nigahon ne pila di hai kuchh aisi

jam-e-mai-e-gul-fam ke KHwahan na rahe hum

ab dard hi rahat si hamein dene laga hai

chaaragaro minnat-kash-e-darman na rahe hum

'afat' rah-e-ulfat mein hansi aai thi ek din

baad us ke kabhi zist mein KHandan na rahe hum

(276) Peoples Rate This

Your Thoughts and Comments

Ab Motaqid-e-gardish-e-dauran Na Rahe Hum In English By Famous Poet Lalan Chaudhary. Ab Motaqid-e-gardish-e-dauran Na Rahe Hum is written by Lalan Chaudhary. Read famous Poem Ab Motaqid-e-gardish-e-dauran Na Rahe Hum for youth and Student by Lalan Chaudhary. Free Download Ab Motaqid-e-gardish-e-dauran Na Rahe Hum in PDF.