Is Gham Ki Dhup Mein Mujhe Purwaiyan Na Do
is gham ki dhup mein mujhe purwaiyan na do
jalne do apni zulf ki parchhaiyan na do
larzan hain do-jahan qayamat bapa na ho
apne shuur-e-husn ko angDaiyan na do
aa jao kab se KHalq tarasti hai did ko
parde mein apne aap ko tanhaiyan na do
ho jae jis mein gharq meri kashti-e-umid
wo bahr-e-iztirab ki gahraiyan na do
hoti hain kargar kahin jhuTi tasalliyan
ai chaarasazo dil ko shakebaiyan na do
roz-e-azal se hai dil-e-wahshi junun-pasand
majnun ko zauq-e-anjuman-araiyan na do
'afat' uTha lun hath na us zist se kahin
mere junun-e-ishq ko ruswaiyan na do
Lalan Chaudhary 
(444) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544