Qismat Ajib Khel Dikhati Chali Gai
qismat ajib khel dikhati chali gai
jo hans rahe the un ko rulati chali gai
dil goya hadsat-e-musalsal ka shahar ho
dhaDkan bhi chiKH ban ke Daraati chali gai
kaghaz ki tarah ho gai bosida zindagi
tahrir hasraton ki miTati chali gai
main chahti nahin thi magar phir bhi jaane kyun
aai jo teri yaad to aati chali gai
aankhon ki putliyon se tera aks bhi gaya
yani charagh mein thi jo baati chali gai
DhunDa unhen jo raat ki tanhai mein 'haya'
ek kahkashan si zehan pe chhati chali gai
Lata Haya 
(848) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544