Apahij Bap Ko BeTa Akela ChhoD Jata Hai
apahij bap ko beTa akela chhoD jata hai
musibat mein to aksar sath saya chhoD jata hai
ghanera ho shajar kitna nahin shadab gar shaKHen
to in shaKHon pe phir aana parinda chhoD jata hai
uTha pata nahin KHali shikam jab bojh baste ka
miTane bhuk bachpan ki wo basta chhoD jata hai
qalam hona tha jis ke hath mein thame wo KHanjar hai
kahin ilm-o-adab ka apna rasta chhoD jata hai
hifazat mulk ki karta hai antim sans tak apni
wahi pichhe bilakta ek rishta chhoD jata hai
Laxman Sharma Vahid 
(454) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544