Jahan Walon Se Barti Is Qadar Be-gangi Maine
jahan walon se barti is qadar be-gangi main ne
ki barham kar liya apna nizam-e-zindagi main ne
sikhae husn-e-kafir ko saliqe KHud-numai ke
sanwara pai-ba-pai apna mazaq-e-ashiqi main ne
hue raushan na phir bhi baam-o-dar fikr-o-tasawwur ke
hazaron bar ki bazm-e-jahan mein raushni main ne
dil-e-na-aqibat-andesh ki kotah-bini ki
kabhi taid ki main ne kabhi tardid ki main ne
hazaron bar tahzib-o-tamaddun ki faza badli
hazaron bar ek duniya nai aabaad ki main ne
kya ifsha na raaz-e-gham kisi par jite-ji 'farigh'
baDe sabr-o-tahammul se basar ki zindagi main ne
Laxmi Narayan Farigh 
(390) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544