KHata Anjam Ho Kar Rah Gaya Hai

KHata anjam ho kar rah gaya hai

bashar nakaam ho kar rah gaya hai

tera milna ba-qaid-e-zindagani

KHayal-e-KHam ho kar rah gaya hai

fareb-e-e'tibar-e-sai-e-paiham

mera anjam ho kar rah gaya hai

har ek unwan bayaz-e-arzu ka

tera paigham ho kar rah gaya hai

dil-e-nakaam ka har dagh-e-hasrat

sawad-e-sham ho kar rah gaya hai

wafa ka nam 'farigh' is jahan mein

barae-nam ho kar rah gaya hai