Guftugu Hum Ru-ba-ru Un Ke Na Kar Pae Bahut
guftugu hum ru-ba-ru un ke na kar pae bahut
yun to aate the suKHan ke hum ko pairae bahut
zindagi ki dhup mein jab dur tak jaana paDa
yaad aae teri zulfon ke ghane sae bahut
ho saka phir bhi na us ke husn-e-rangin ka bayan
shahr-e-fikr-o-fan se tashbihat hum lae bahut
main ne ek haq baat kah di thi KHilaf-e-maslahat
tab se sunta hun KHafa hain mere ham-sae bahut
un ko jaane kis ne bheja tha payam-e-sair-e-gul
bagh mein uD kar parinde dur se aae bahut
teri qismat mein tahi-daman hi rahna tha 'qadir'
warna us ne anjuman mein phul barsae bahut
M. A. Qadeer 
(395) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544