Dil Mera KHwab-gah-e-dilbar Hai
dil mera KHwab-gah-e-dilbar hai
bas yahi ek sone ka ghar hai
zulfen munh par hain munh hai zulfon mein
raat bhar subh sham din bhar hai
chashm-e-insaf se nazara kar
ek qatra yahan samundar hai
bahut iza uThai furqat ki
ab nahin iKHtiyar dil par hai
dekh kar chand sa tumhaara munh
aaina meri tarah shashdar hai
dil milaun main kya tere dil se
ek shisha hai ek patthar hai
Madhav Ram Jauhar 
(315) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544