Kabhi Kuchh Kahen Ye Ijazat Hi Dije

kabhi kuchh kahen ye ijazat hi dije

na dije mohabbat adawat hi dije

meri aankh ka wo chhalakna dikha kya

kisi rose hamdam ye rahat hi dije

zamana dikhata hai aisi balaen

kabhi aap dil ko aqidat hi dije

batana hai mushkil chhupana hai mushkil

karen kya o rahbar nasihat hi dije

taghaful mila hai usi rah par yun

tawajjoh na dije inayat hi dije

use raushni ka guman ho sawere

na 'KHuddar' ko aisi zulmat hi dije