Dil Mein Mere Phir KHayal Aata Hai Aaj
dil mein mere phir KHayal aata hai aaj
koi dilbar be-misal aata hai aaj
kyun paDa behosh uTh hatif se ab
hai nida sahab-e-jamal aata hai aaj
sang-e-rah hun ek Thokar ke liye
tis pe wo daman sambhaal aata hai aaj
mushtari o zohra baham sad hain
is liye abru hilal aata hai aaj
tum siwa 'chanda' ke dil mein ya ali
kis ki azmat ka jalal aata hai aaj
Mah Laqa Chanda 
(376) Peoples Rate This